Memleket basshysy Joǵary aýdıtorlyq palatanyń tóraǵasy Álıhan Smaıylovty qabyldady

ASTANA. KAZINFORM – Kezdesý barysynda memlekettik aýdıt jáne qarjylyq baqylaý júıesiniń tıimdiligin odan ári arttyrý máseleleri talqylandy. Bul týraly Aqordanyń baspasóz qyzmeti málim etti. 

Prezıdent Joǵary aýdıtorlyq palataǵa bıýdjet qarajaty men memleket aktıvteriniń tıimdi jáne ratsıonaldy jumsalýyn respýblıkalyq, sondaı-aq jergilikti deńgeıde qatań baqylaýdy qamtamasyz etý mindeti júkteletinin aıtty. 

Álıhan Smaıylov memlekettik aýdıt júıesin odan ári damytý jónindegi oı-pikirin jetkizdi, sondaı-aq vedomstvonyń osy jylǵa arnalǵan jospary týraly baıandady.

Qasym-Jomart Toqaev Álıhan Smaıylovtyń mol tájirıbesi men kásibı biliktiligi júktelgen mindetti sapaly oryndaýǵa septigin tıgizetinine senim bildirdi.