Qazaqstan Ortalyq Azııada tsıfrlyq damý boıynsha kósh bastap tur — Prezıdent
ASTANA. KAZINFORM — Memleket basshysy Qasym-Jomart Toqaev Astanada ótken Jasandy ıntellekt boıynsha ІІІ halyqaralyq olımpıadanyń ashylý saltanatynda sóz sóıledi.
Prezıdent sózinde elimiz tsıfrlyq damý turǵysynan strategııalyq tańdaý jasaǵanyna toqtaldy.
— Qazaqstan Birikken Ulttar Uıymynyń elektrondy úkimetti damytý ındeksinde 193 memlekettiń arasynan 24-oryn alady. Jańa tehnologııalardy engizýge ázirlik deńgeıi boıynsha elimiz Ortalyq Azııada kósh bastap tur. Biz biryńǵaı ınnovatsııalyq ekojúıe quryp jatyrmyz. Munda jasandy ıntellekt memleketti, ekonomıkany, bıznesti basqarýdyń mańyzdy tetigi retinde qoǵam ómiriniń barlyq salasyna dendep enedi, — dedi Qasym-Jomart Toqaev.
Byltyrǵy Joldaýynda Prezıdent aldaǵy úsh jylda Qazaqstandy tolyq tsıfrlyq memleketke aınaldyrý boıynsha naqty mindet júktegen edi.
— 2026 jyldy Tsıfrlandyrý jáne jasandy ıntellekt jyly dep jarııalaý da — osy strategııalyq baǵdardy júzege asyrýǵa baǵyttalǵan qadam. Budan bólek, ınnovatsııaǵa ıek artatyn el damýynyń negizgi baǵyttary 1 shildede kúshine engen Qazaqstannyń jańa Konstıtýtsııasynda anyq kórsetilgen. Bul — barlyq úderistiń basy ǵana, — dedi Memleket basshysy.
Aıta keteıik, Astanada ótip jatqan JI olımpıadasyna 106 eldiń komandasy jınaldy.
Buǵan deıin Qazaqstannyń sporttyq baǵdarlamalaý federatsııasynyń prezıdenti Baǵdat Mýsın IOAI-2026 olımpıadasy bolashaq tehnologııalyq kóshbasshylar men kásipkerlerdi tárbıeleýge yqpal etetinin aıtqan edi.
