Memleket basshysy jasandy ıntellekt baıqaýynyń jeńimpazdaryn marapattady
ASTANA. KAZINFORM – Prezıdent jasandy ıntellekt salasyndaǵy alem.ai battle ulttyq baıqaýy men memlekettik organdar arasyndaǵy AI Governance Cup baıqaýynyń jeńimpazdaryn marapattady. Bul týraly Aqordanyń baspasóz qyzmeti habarlady.
alem.ai battle jarysynyń jeńimpazdary 4 atalym boıynsha anyqtaldy:
– AI Young Talents – aǵzadaǵy glıýkoza mólsherin ınvazıvti emes tásilmen anyqtaıtyn SuGuard júıesi;
– AI Driving Power – muǵalimderdiń jumysyn avtomattandyrýǵa arnalǵan Ustaz AI sheshimi;
– AI Innovators – JI arqyly qaterli isikti erte kezeńde anyqtaýǵa arnalǵan Robio dıagnostıkalyq qolǵaby;
– Future Builders – JI-modelderin úıretýge qoldanylatyn sapaly derekterdi jınaýǵa jáne qalyptastyrýǵa arnalǵan NCSPEECH startap servısi.
Úzdik JI-sheshimder baıqaýynda memlekettik organdar arasynan Іshki ister mınıstrligi («AI Qaýipsizdik» atalymy boıynsha), Básekelestikti qorǵaý jáne damytý agenttigi («AI Ekonomıka»), Astana qalasynyń ákimdigi («AI Áleýmettik saıasat»), Aqmola oblysynyń ákimdigi («AI Óńir»), Qaraǵandy oblysynyń ákimdigi («AI Azamattarǵa qyzmet») jáne «KEGOC» AQ («AI Kvazımemlekettik sektor») top jardy.
Buǵan deıin Memleket basshysy Alem.ai battle jáne AI Governance Cup baıqaýlarynyń jeńimpazdaryn marapattaý rásiminde sóz sóılegenin jazǵan edik.
