Memleket basshysy Japonııa Premer-mınıstriniń arnaýly keńesshisi Akıhısa Nagashımany qabyldady

ASTANA. KAZINFORM — Prezıdent Japonııa Premer-mınıstriniń arnaýly keńesshisi, Parlament Ókilder palatasynyń depýtaty Akıhısa Nagashımany qabyldady.

президент
Фото: Ақорда
– Qazaqstan Japonııamen strategııalyq seriktestikti damytýǵa erekshe mán beredi. Eki el arasynda dostyq pen ózara túsinistikke negizdelgen tyǵyz yntymaqtastyq ornaǵan. Biz «Qazaqstan men Japonııanyń arasy alys bolǵanymen, dostyǵymyz berik» dep aıtamyz, – dedi Memleket basshysy.

Qasym-Jomart Toqaev memleketter arasyndaǵy saýda-ekonomıkalyq, ınvestıtsııalyq jáne ǵylymı-tehnıkalyq baılanystardy keńeıtýge aıtarlyqtaı áleýet bar ekenine toqtaldy. Prezıdent Qazaqstan ekonomıkasyna tartylǵan japon ınvestıtsııasynyń kólemi 8 mıllıard dollardan asqanyn aıtty.

prezıdent
Foto: Aqorda

Sondaı-aq elimizdiń sheteldik ınvestorlarǵa, sonyń ishinde Japonııanyń ozyq kompanııalaryna qolaıly jaǵdaı jasaýǵa daıyn ekenin atap ótti.

Arnaýly keńesshi Prezıdentke Japonııa Premer-mınıstri Shıgerý Ishıbanyń ystyq yqylasyn jetkizdi, sonymen qatar Tokıonyń qazaq-japon san qyrly qarym-qatynasyn odan ári jandandyrýǵa beıildigin rastady.

Qasym-Jomart Toqaev pen Akıhısa Nagashıma joǵary deńgeıdegi saıası dıalogty nyǵaıtýdyń mańyzyn atap ótip, saýda, energetıka, kólik, bilim berý, mádenı-gýmanıtarlyq salalaryndaǵy, sondaı-aq klımattyq ózgeris máseleleri boıynsha ekijaqty ózara yqpaldastyqty tereńdetýdiń perspektıvasyn talqylady.

Aıta keteıik, keshe Prezıdent Reseı Federatsııasy Úkimetiniń tóraǵasy Mıhaıl Mıshýstınmen kezdesken bolatyn.

Сейчас читают