Memleket basshysy Japonııa Premer-mınıstrine quttyqtaý jedelhatyn joldady

ASTANA. KAZINFORM – Qasym-Jomart Toqaev Sanae Takaıchıdi Japonııanyń Premer-mınıstri laýazymyna qaıta saılanýymen quttyqtady, dep habarlaıdy Aqorda.

Prezıdent Japonııany elimizdiń Azııadaǵy basty seriktesteriniń biri retinde atap ótti. Sonymen qatar dostyq pen ózara túsinistikke negizdelgen keńeıtilgen strategııalyq seriktestik qos halyqtyń ıgiligi jolynda udaıy nyǵaıa beretinine senim bildirdi.

Qasym-Jomart Toqaev Sanae Takaıchıdiń asa jaýapty qyzmetine tabys, al japon halqyna qut-bereke tiledi.

Aıta keteıik, buǵan deıin Memleket basshysy Amerıka Qurama Shtattaryna jumys saparymen baratyny habarlandy.