Memleket basshysy Japonııa Premer-mınıstrine kóńil aıtý jedelhatyn joldady

Prezıdent Qasym-Jomart Toqaev Japonııanyń batysyndaǵy Noto túbeginde bolǵan jer silkinisi saldarynan kóptegen adamnyń qaza tabýyna baılanysty Premer-mınıstr Fýmıo Kıshıdaǵa kóńil aıtty, dep habarlaıdy Kazinform Aqordanyń baspasóz qyzmetine silteme jasap. 

«Elińizde bolǵan joıqyn jer silkinisi saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyl aldym. Osyndaı aýyr sátte Sizge jáne jaqyndarynan aıyrylǵan otbasylarǵa Qazaqstan halqynyń jáne ózimniń atymnan qaıǵyra kóńil aıtamyn. Tabıǵı apattan jaraqat alǵandardyń tez arada saýyǵyp, iz-tússiz joǵalǵan azamattardyń otbasylaryna aman-esen oralýyna tilektestik bildiremin», – dep jazylǵan jedelhatta.