Memleket basshysy Japonııa Premer-mınıstri Sanae Takaıchıdi quttyqtady

ASTANA. KAZINFORM – Qasym-Jomart Toqaev Premer-mınıstr Sanae Takaıchıdi Japonııadaǵy Parlament saılaýynda Lıberaldy-demokratııalyq partııanyń jeńiske jetýine oraı quttyqtap, jedelhat joldady. Bul týraly Aqordanyń baspasóz qyzmeti habarlady.

– Bul eleýli jetistik – Sizdiń parasatty saıasatyńyz ben Ózińiz basqaryp otyrǵan partııanyń mańyzdy josparlaryna barsha otandasyńyz kórsetken senimniń aıqyn dáleli ekeni sózsiz. Halqyńyzdyń jarqyn bolashaǵy úshin sińirip jatqan qajyrly eńbegińiz, qolǵa alǵan tyń bastamalaryńyz elińizdi búginnen de bıik tabystarǵa jeteleı beretinine kámil senemin, – delingen jedelhatta.

Prezıdent byltyr Japonııaǵa jasaǵan resmı saparyn ystyq yqylaspen atap ótip, ózara ýaǵdalastyqtar ekijaqty yntymaqtastyqty sapaly deńgeıge kótergenin jetkizgen.

Sondaı-aq qazaq-japon qarym-qatynastarynyń joǵary qarqynyn saqtap, ony udaıy damytý úshin Sanae Takaıchımen birge kúsh-jiger jumyldyrýǵa daıyn ekenin rastaǵan.

Premer-mınıstr Sanae Takaıtı basqaratyn Japonııanyń bıleýshi Lıberal-demokratııalyq partııasy (LDP) parlamenttiń tómengi palatasyna kezekten tys saılaýda 465 daýystyń úshten ekisin ıelenip, tarıhı jeńiske jetkenin jazǵan bolatynbyz.