Memleket basshysy Japonııa Imperatory Narýhıtomen kezdesti
ASTANA. KAZINFORM – Qasym-Jomart Toqaevtyń Japonııaǵa alǵashqy resmı sapary Imperator Narýhıtomen kezdesýden bastaldy. Bul týraly Aqordanyń baspasóz qyzmeti habarlady.
Prezıdent qonaqjaılyq tanytqany úshin Japonııa Imperatoryna rızashylyǵyn bildirdi.
Memleket basshysy Qazaqstan halqy Kúnshyǵys eliniń tártibi men tabandylyǵyn áýelden úlgi tutatynyn atap ótti. Sondaı-aq eki eldi ózara qurmet pen túrli saladaǵy tabysty yqpaldastyqqa negizdelgen baıyrǵy dostyq qatynastar biriktiretinin jetkizdi.
Imperator Narýhıto Prezıdent Qasym-Jomart Toqaevtyń sapary Japonııa men Qazaqstan arasyndaǵy baılanys tarıhynda eleýli ýaqıǵa retinde qalatynyn jáne ekijaqty qarym-qatynasty jańa deńgeıge shyǵaratynyn aıtty.
Memleket basshysy men Imperator ózara yntymaqtastyq máseleleri jáne halyqaralyq kún tártibi jóninde pikir almasty.
Eske sala keteıik, Memleket basshysy Qasym-Jomart Toqaev Japonııaǵa resmı saparmen bardy.
Qazaqstan Prezıdentin Tokıo qalasynyń Haneda halyqaralyq áýejaıynda Japonııanyń memlekettik syrtqy ister mınıstri Aıano Kýnımıtsý qarsy aldy.
Tokıoda jalpy quny 3,7 mlrd dollardan asatyn kelisimderge qol qoıylady.
Tokıo Qazaqstan Prezıdentiniń saparyna qalaı daıyndalyp jatqanyn jazǵan edik.
QR Prezıdenti Qasym-Jomart Toqaevtyń 18-20 jeltoqsanǵa josparlanǵan Japonııaǵa resmı sapary qarsańynda osy eldiń Qazaqstandaǵy Elshisi ıAsýmasa Iıdjıma Kazinform agenttigine eksklıýzıv suhbat berdi.
Memleket basshysy Qasym-Jomart Toqaev sapar aıasynda ımperator Narýhıtomen, Premer-mınıstr Sanae Takaıchımen kezdesý josparlanǵan. «Ortalyq Azııa – Japonııa» sammıtine qatysyp, iskerlik orta ókilderimen júzdespek. Kazinform tilshisi Qazaqstan men Japonııa arasyndaǵy baılanystyń mańyzdy tustaryna toqtalyp kórdi.