Memleket basshysy jańadan taǵaıyndalǵan Oqý-aǵartý mınıstrin qabyldady

ASTANA. KAZINFORM — Memleket basshysy Oqý-aǵartý mınıstri Juldyz Súleımenovany qabyldap, birqatar mindet júktedi, dep habarlaıdy Aqordanyń baspasóz qyzmeti.

Qasym-Jomart Toqaev kezdesýde memlekettik jáne salalyq baǵdarlamalar men ulttyq jobalardy tıimdi iske asyrýdyń mańyzdy ekenin atap ótti.

— Sondaı-aq Prezıdent bilim berý sapasyn arttyrý, saladaǵy ózekti máselelerdi ýaqtyly sheshý jáne azamattarmen tyǵyz qarym-qatynas ornatý qajettigine nazar aýdaryp, naqty mindetter júktedi, — delingen habarlamada.

Osyǵan deıin Memleket basshysy jańadan taǵaıyndalǵan Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıevti qabyldaǵan edi.

Búgin tańerteń Qazaqstan Respýblıkasy Prezıdentiniń kómekshisi — Prezıdenttiń baspasóz hatshysy Rýslan Jeldibaı keıingi kadrlyq ózgeristerge baılanysty túsinikteme berdi.