Memleket basshysy: Jańa Konstıtýtsııa óskeleń urpaqtyń ıgiligi úshin qabyldandy
TÚRKІSTAN. KAZINFORM – Memleket basshysy Qazaqstanda jańa Konstıtýtsııa 1 shildeden bastap kúshine enetinin aıtty.
– Ózderińizge málim, men osy aptanyń basynda Qazaqstan Respýblıkasynyń Konstıtýtsııasyna jáne Bas qujattyń erejelerin iske asyrý jónindegi sharalar týraly Jarlyqqa qol qoıdym. Endi 1 shildeden bastap Konstıtýtsııa óz kúshine enedi.
Al Konstıtýtsııa kúnin biz bárimiz birtutas halyq bolyp referendým ótkizilgen kúni, ıaǵnı, 15 naýryzda jyl saıyn memlekettik mereke retinde atap ótemiz, toılaımyz.
Jalpyhalyqtyq referendýmda jastarymyzdyń belsendiligi, jańashyldyǵy jáne jaýapkershiligi aıqyn kórindi. Olar Otanyna adal, oıy ozyq, jasampaz azamattar retinde ózderiniń jarqyn keleshegine qatysty tańdaýyn jasady.
Jańa Konstıtýtsııa, eń aldymen, óskeleń urpaqtyń ıgiligi úshin qabyldandy, bul jastarǵa arnalǵan qujat desek, qate bolmaıdy. Tórge ozǵan Halyq Konstıtýtsııasy jastarǵa jón silteıdi, ómir jolyn kórsetedi. Jańa Ata zań jas urpaqpen birge jasaı beredi, - dedi Qasym-Jomart Toqaev.
Eske sala keteıik, buǵan deıin Prezıdent Qasym-Jomart Toqaev Qoja Ahmet ıAsaýı kesenesine zııarat etkenin jazǵan edik.
