Memleket basshysy Jabaıhan Ábdildınniń otbasyna kóńil aıtý jedelhatyn joldady

ASTANA. KAZINFORM — Memleket basshysy kórnekti ǵalym, belgili qoǵam qaıratkeri Jabaıhan Ábdildınniń otbasyna kóńil aıtý jedelhatyn joldady. Bul týraly Aqordanyń baspasóz qyzmeti habarlady. 

Prezıdent Memlekettik syılyqtyń, «Parasat» jáne ІІ, ІІІ dárejeli «Barys» ordenderiniń ıegeri Jabaıhan Ábdildınniń dúnıeden ótýine baılanysty onyń otbasy men jaqyn týystaryna kóńil aıtty.

– Jabaıhan Múbárákuly fılosofııa iliminiń órisin keńeıtken kúlli ǵylym qoǵamdastyǵyna tanymal ǵalym, ultjandy tulǵa edi. Ustazdyq jolynda súbeli eńbekter jazyp, zerdeli shákirtter tárbıeledi. El egemendigin nyǵaıtýǵa eleýli úles qosyp, irgeli isterge belsene atsalysty, – dep jazylǵan jedelhatta.

Aıta ketelik 93 jasqa qaraǵan shaǵynda áıgili ǵalym, fılosofııa ǵylymynyń doktory, professor, Memleket qaıratkeri Jabaıhan Ábdildın dúnıeden ótken edi.