Memleket basshysy YTO Express basqarma tóraǵasy ıÝı Hýeıtszıaony qabyldady
ASTANA. KAZINFORM – Prezıdent Qasym-Jomart Toqaev YTO Express basqarma tóraǵasy ıÝı Hýeıtszıaony qabyldady.
Kezdesý barysynda Memleket basshysyna «Qazposhta» AQ jáne YTO Express kompanııasynyń birlesken kásiporny «Qazpost – YTO» JShS-niń qyzmeti jóninde málimet berildi.
Bul jobanyń negizgi maqsaty – Qazaqstan men Ortalyq Azııa elderi aýmaǵynda zamanaýı ári tıimdi kýrerlik jelini damytý.
Bıyl Almaty oblysynda suryptaý habynyń qurylysyn bastaý josparlanyp otyr. Atalǵan nysan poshta jóneltilimderin jetkizý merzimin edáýir qysqartýǵa múmkindik beredi. Sonymen qatar «Qazpost – YTO» JShS suryptaý habyna jaqyn mańnan Indýstrıaldy park salýǵa nıetti.
Kezdesý sońynda Prezıdent osyndaı birlesken jobalardyń strategııalyq mańyzyn atap ótip, olar memleketter men halyqaralyq bıznes arasyndaǵy tıimdi yqpaldastyqtyń úlgisi bolýǵa tıis ekenine nazar aýdardy.