Memleket basshysy Vetnam Prezıdenti To Lamǵa quttyqtaý jedelhatyn joldady
ASTANA. KAZINFORM — Qasym-Jomart Toqaev Vetnam Kommýnıstik partııasy Ortalyq komıtetiniń Bas hatshysy To Lamdy Prezıdent bolyp saılanýymen quttyqtady. Bul týraly Aqordanyń baspasóz qyzmeti habarlady.
– Saılaýdaǵy jeńisińiz eldi saıası-ekonomıkalyq turǵydan órkendetýge jáne ulttyq múddeni halyqaralyq deńgeıde ilgeriletýge baǵyttalǵan mańyzdy josparlaryńyzǵa azamattardyń senimi joǵary ekenin kórsetedi. Sizdiń parasatty saıasatyńyz ben qajyrly eńbegińizdiń arqasynda Otanyńyz búgingiden de bıik belesterge jete berýine tilektespin, – dep jazylǵan jedelhatta.
Sonymen qatar Memleket basshysy Vetnamdy Qazaqstannyń Azııadaǵy mańyzdy seriktesteriniń biri retinde atap ótip, ózara strategııalyq áriptestik qos halyqtyń ıgiligi úshin odan ári nyǵaıa túsetinine senim bildirdi.
Aıta ketelik Qazaqstan men Vetnam «Orta dáliz» arqyly júk tasymalyn jedeldetpek.
