Memleket basshysy Vetnam Prezıdentin quttyqtady
ASTANA. KAZINFORM - Memleket basshysy Vetnam Prezıdenti Lyong Kyongty quttyqtady, dep habarlaıdy Aqorda.
Qasym-Jomart Toqaev Vetnam Sotsıalıstik Respýblıkasynyń jańadan saılanǵan Prezıdenti Lyong Kyongqa quttyqtaý jedelhatyn joldady.
– Sizdiń saılaýdaǵy jeńisińizdi Vetnamnyń ekonomıkalyq turaqtylyǵyn qamtamasyz etýge, eldiń ál-aýqatyn eseleýge jáne halyqaralyq arenadaǵy bedelin nyǵaıtýǵa baǵyttalǵan sara saıasatyńyzǵa otandastaryńyz kórsetken qoldaýdyń aıǵaǵy dep bilemin. Qazaqstan men Vetnam arasyndaǵy dostyq pen ózara senimge negizdelgen qarym-qatynasty odan ári nyǵaıtý úshin Sizben birge kúsh-jiger jumyldyrýǵa daıyn ekenimdi rastaımyn, – dep jazylǵan jedelhatta.
Qasym-Jomart Toqaev Prezıdent Lyong Kyongtyń asa jaýapty qyzmetine tolaǵaı tabys, al dostas Vetnam halqyna yrys pen qut-bereke tiledi.
