Prezıdent Jarlyǵy: V Dúnıejúzilik kóshpendiler oıyndaryna atsalysqan azamattar marapattalady

ASTANA. KAZINFORM –  Qazaqstan Respýblıkasy Prezıdenti Qasym-Jomart Toqaevtyń Jarlyǵymen Astana qalasynda ótken V Dúnıejúzilik kóshpendiler oıyndarynyń júldegerleri, olardyń jattyqtyrýshylary, sondaı-aq halyqaralyq sport sharasyn uıymdastyrýǵa jáne ótkizýge erekshe úles qosqan azamattar memlekettik nagradalarmen marapattaldy. Bul týraly Aqordanyń baspasóz qyzmeti habarlady.

Atap aıtqanda, 1 adam «Parasat» ordeniniń jáne 7 azamat «Qurmet» ordeniniń kavaleri atandy. «Eren eńbegi úshin» medali 85, al «Shapaǵat» medali 5 adamǵa berildi.

Aıta keteıik, 8-13 qyrkúıek aralyǵynda elordada 5-shi Dúnıejúzilik kóshpendiler oıyndary – etnıkalyq sport túrleri boıynsha eń iri halyqaralyq jarys ótti.

Astanada aýqymdy jarystardy ótkizýge úles qosqan eriktiler marapattalǵan bolatyn.