Memleket basshysy Úndistan Premer-mınıstrine kóńil aıtý jedelhatyn joldady

ASTANA. KAZINFORM – Qasym-Jomart Toqaev Ýttar-Pradesh shtatynyń Hatras qalasynda bolǵan qaıǵyly oqıǵaǵa baılanysty Úndistan Premer-mınıstri Narendra Modıge kóńil aıtty.

– Ýttar-Pradesh shtatynda ótken dinı jıyn kezinde kóptegen adamnyń bastyrylyp, qaıtys bolǵany týraly qaıǵyly habardy tereń kúızelispen qabyldadym. Qazaqstan halqynyń jáne óz atymnan qaza tapqan azamattardyń otbasylaryna kóńil aıtamyn. Sondaı-aq zardap shekkenderdiń tezirek saýyǵyp ketýine tilektestik bildiremin, – dep jazylǵan jedelhatta.

Aıta keteıik, keshe Úndistanda dinı rásimde 100-den asa adam qaza tapqanyn habarlaǵan bolatynbyz.