Memleket basshysy Úndistan Premer-mınıstri Narendra Modıdi quttyqtady

ASTANA. KAZINFORM – Prezıdent Qasym-Jomart Toqaev Úndistan Respýblıkasynyń Táýelsizdik kúnine oraı Premer-mınıstr Narendra Modıge quttyqtaý jedelhatyn joldady. Bul týraly Aqordanyń baspasóz qyzmeti habarlady. 

— Bul kún úndi halqynyń myzǵymas rýhy men memlekettik qurylys, ekonomıkalyq damý jáne halyqaralyq yntymaqtastyqty keńeıtý jolyndaǵy tamasha jetistikterin kórsetedi, — dep jazylǵan jedelhatta.

Memleket basshysy Qazaqstan men Úndistan arasyndaǵy qarym-qatynas sıpatyn oń baǵalap, eki eldiń strategııalyq seriktestigi aldaǵy ýaqytta da nyǵaıa beretinine senim bildirdi. 

Aıta ketelik búgin Qasym-Jomart Toqaevtyń qatysýymen ustazdardyń tamyz konferentsııasy ótken edi.