Memleket basshysy ulttyq qurama boksshylaryn quttyqtady

ASTANA. KAZINFORM – Memleket basshysy Qasym-Jomart Toqaev ulttyq qurama boksshylarymen áńgimelesti, dep habarlaıdy Aqordanyń baspasóz qyzmeti.

– Jeńisterińiz qutty bolsyn! Bokspen tek myqty, kúsh-jigeri mol adamdar shuǵyldanady. Bul – erekshe sport. Barshańyzǵa sáttilik tileımin. Memleket árqashan sizderdi qoldaıdy. Qazaqstanda bokstyń keleshegi zor bolatynyna eshqandaı kúmánim joq, – dedi Qasym-Jomart Toqaev.

Osyǵan deıin Prezıdent Qasym-Jomart Toqaev bokstan Álem kýbogynyń fınalyn Jaqsylyq Úshkempirov atyndaǵy Jekpe-jek saraıynda jankúıerlermen birge tamashalap otyrǵany týraly jazdyq.

Aıta keteıik, World Boxing Álem kýbogynyń birinshi kezeńine qatysý úshin 29 elden 250 boksshy keldi. Bul – reıtıngtik jarys. Jeńimpazdardyń árbir upaıy olımpıadaǵa joldama alýǵa áser etedi.