Memleket basshysy Ulttyq qor týraly zańǵa qol qoıdy

ASTANA. KAZINFORM - Memleket basshysy «Qazaqstan Respýblıkasynyń Ulttyq qorynan 2025 – 2027 jyldarǵa arnalǵan kepildendirilgen transfert týraly» Qazaqstan Respýblıkasynyń Zańyna qol qoıdy, dep habarlaıdy Aqorda.

 Zańnyń mátini baspasózde jarııalanady.

Buǵan deıin habarlanǵandaı, Senattyń jalpy otyrysynda «Ulttyq qordan 2025 – 2027 jyldarǵa arnalǵan kepildendirilgen transfert týraly» Zańy maquldandy.

Qujat Bıýdjet kodeksiniń erejeleri negizinde ázirlendi. Bul rette, kepildendirilgen transferttiń mólsheri bıýdjettik qaǵıdalarǵa sáıkes anyqtalǵan.

Zań jobasynda munaıdyń kesimdi baǵasy 2025 jyly barreline 42,3 AQSh dollary, 2026-2027 jyldary barreline 41–39,4 AQSh dollary deńgeıinde belgilengen. Osyny eskere otyryp, Ulttyq qordan kepildendirilgen transferttiń mólsheri 2025-2027 jyldarǵa jyl saıyn 2 trln teńge kóleminde aıqyndaldy.

Ulttyq qordyń taza valıýtalyq aktıvteri boljam boıynsha 2025 jyly 62,2 mlrd AQSh dollaryn, 2026-2027 jyldary 69,9 – 78,7 mlrd AQSh dollaryn quraıdy.

Sonymen qatar Májilis Ulttyq qordan 2025–2027 jyldarǵa arnalǵan kepildendirilgen transfert týraly zań jobasy qabyldandy.