Memleket basshysy Ulttyq qaýipsizdik komıtetiniń basshylyq quramymen jıyn ótkizdi
ASTANA. KAZINFORM - Prezıdent Qasym-Jomart Toqaev Ulttyq qaýipsizdik komıtetine baryp, jedel-tehnıkalyq bólimshelerdiń jumysymen tanysty, dep habarlaıdy Aqordanyń bapasóz qyzmeti.
Memleket basshysyna kıberqaýipsizdikti qamtamasyz etý, jasandy ıntellekt tehnologııalaryn paıdalaný múmkindikteri, úkimettik jáne qyzmettik baılanysty damytý jobalary kórsetildi.
Qasym-Jomart Toqaev baıandamalardy tyńdap, aqparattyq qaýipsizdikke tónetin qaterdi toıtarý jáne elimizdiń mańyzdy ınfraqurylymynyń turaqty jumys isteýine jaǵdaı jasaýdyń mańyzyn atap ótti.
Jıyn sońynda Prezıdent atalǵan baǵyttaǵy is-qımyldy jetildirý boıynsha birqatar naqty tapsyrma berdi.
Osyǵan deıin áskerı oqý oryndarynyń 14 túlegi Toqaevtyń qolynan ofıtserlik shen alǵany týraly jazdyq.