Memleket basshysy Ulttyq banktiń jyldyq esebin qabyldady

ASTANA. KAZINFORM – Prezıdent Qasym-Jomart Toqaevtyń tóraǵalyǵymen Aqordada ótken keńeste Ulttyq banktiń 2024 jyly atqarǵan qyzmeti týraly esep berildi, dep habarlaıdy Aqordanyń baspasóz qyzmeti.

Memleket basshysyna makroekonomıkalyq ahýal, aqsha-nesıe saıasatynyń negizgi kórsetkishteri, qarjy júıesiniń jaı-kúıi, halyqaralyq rezervter, BJZQ men Ulttyq qor aktıvteri týraly baıandaldy.

Jıyn barysynda Ulttyq banktiń qyzmetine qatysty ózekti máseleler talqylandy. Sonymen qatar respýblıkalyq bıýdjettiń oryndalýy, ınflıatsııany tómendetý, aqsha-nesıe saıasaty, «Bankter jáne bank qyzmeti týraly» jańa zań jobasy, ekonomıkanyń naqty sektoryn kredıtteý, sondaı-aq Ulttyq banktiń altyn-valıýta aktıvteriniń jaǵdaıy qarastyryldy.

Osyǵan deıin Prezıdent ekinshi deńgeıli banktermen birlesip, ekonomıkanyń naqty sektoryn qarjylandyrýdy tapsyrǵan bolatyn.