Memleket basshysy «Uly Otan soǵysyndaǵy Jeńiske 80 jyl» medali týraly Jarlyqqa qol qoıdy

ASTANA. KAZINFORM – Bul týraly búgin Aqordanyń baspasóz qyzmeti habarlady.

«Uly Otan soǵysyndaǵy Jeńiske 80 jyl» biryńǵaı merekelik medali týraly

2025 jylǵy 26 naýryz

1941 – 1945 jyldardaǵy Uly Otan soǵysyndaǵy Jeńis kúniniń 80 jyldyǵy qurmetine, soǵys ardagerleri men tyl eńbekkerleriniń erligine, qaharmandyǵy men qaısarlyǵyna tereń qurmet kórsete otyryp, QAÝLY ETEMІN:

1. «Uly Otan soǵysyndaǵy Jeńiske 80 jyl» biryńǵaı merekelik medali taǵaıyndalsyn.

2. Mynalar:

1) «Uly Otan soǵysyndaǵy Jeńiske 80 jyl» biryńǵaı merekelik medalimen nagradtaý qaǵıdalary (budan ári – Qaǵıdalar);

2) «Uly Otan soǵysyndaǵy Jeńiske 80 jyl» biryńǵaı merekelik medaliniń sıpattamasy bekitilsin.

3. Qaǵıdalarǵa sáıkes Uly Otan soǵysynyń ardagerleri, tyl eńbekkerleri jáne ózge de adamdar «Uly Otan soǵysyndaǵy Jeńiske 80 jyl» biryńǵaı merekelik medalimen nagradtalsyn.

4. Osy Jarlyq resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Astana, Aqorda, 2025 jylǵy 26 naýryz

№ 825

«Uly Otan soǵysyndaǵy Jeńiske 80 jyl» biryńǵaı merekelik medali týraly» Qazaqstan Respýblıkasy Prezıdentiniń 2025 jylǵy 26 naýryzdaǵy № 825 Jarlyǵyna

TÚSІNDІRME

1. «1941 – 1945 jyldardaǵy Uly Otan soǵysyndaǵy Jeńiske 80 jyl» biryńǵaı merekelik medalin taǵaıyndaý týraly» Táýelsiz Memleketter Dostastyǵynyń Memleket basshylary keńesiniń 2024 jylǵy 10 maýsymdaǵy sheshimi «Uly Otan soǵysyndaǵy Jeńiske 80 jyl» biryńǵaı merekelik medali týraly» Qazaqstan Respýblıkasynyń Prezıdenti Jarlyǵynyń jobasyn (budan ári – Jarlyq jobasy) ázirleý úshin negiz bolyp tabylady.

2. Merekelik medalmen:

1) Uly Otan soǵysyna qatysýshylar, atap aıtqanda, Uly Otan soǵysy kezeńinde, maıdandaǵy armııa men flottyń quramyna kirgen áskerı bólimderde, shtabtar men mekemelerde qyzmet ótkergen áskerı qyzmetshiler, Uly Otan soǵysynyń partızandary men astyrtyn áreket etýshileri;

2) Uly Otan soǵysy kezeńinde jaralanýy, kontýzııa alýy, mertigýi nemese aýrýǵa shaldyǵýy saldarynan bolǵan múgedektigi bar adamdar, atap aıtqanda, Uly Otan soǵysy kezeńinde maıdanda, urys qımyldary aýdanynda, maıdan mańyndaǵy temirjol ýchaskelerinde, qorǵanys shepteriniń, áskerı-teńiz bazalary men áýeaılaqtardyń qurylysjaılarynda jaralanýy, kontýzııa alýy, mertigýi nemese aýrýǵa shaldyǵýy saldarynan múgedektik belgilengen maıdandaǵy armııa men flottyń áskerı qyzmetshileri, Uly Otan soǵysynyń partızandary men astyrtyn áreket etýshileri, sondaı-aq jumysshylar men qyzmetshiler;

3) maıdandaǵy armııa bólimderiniń áskerı qyzmetshilerine qalalardyń qorǵanysyna qatysqany úshin belgilengen jeńildikti sharttarmen zeınetaqy taǵaıyndaý úshin 1998 jylǵy 1 qańtarǵa deıin eńbek sińirgen jyldaryna eseptelip jazylǵan, sol qalalarda Uly Otan soǵysy kezeńinde qyzmet ótkergen áskerı qyzmetshiler, sondaı-aq burynǵy KSR Odaǵy ishki ister jáne memlekettik qaýipsizdik organdarynyń basshy jáne qatardaǵy quramynyń adamdary;

4) Uly Otan soǵysy kezeńinde maıdandaǵy armııa quramyna kirgen áskerı bólimderde, shtabtarda, mekemelerde shtattyq laýazymdar atqarǵan ne sol kezeńderde maıdandaǵy armııa bólimderiniń áskerı qyzmetshilerine qalalardyń qorǵanysyna qatysqany úshin belgilengen jeńildikti sharttarmen zeınetaqy taǵaıyndaý úshin 1998 jylǵy 1 qańtarǵa deıin eńbek sińirgen jyldaryna eseptelip jazylǵan, sol qalalarda bolǵan Keńes Armııasynyń, Áskerı-Teńiz Flotynyń, burynǵy KSR Odaǵynyń ishki ister jáne memlekettik qaýipsizdik áskerleri men organdarynyń erikti jaldamaly quramynyń adamdary;

5) Ekinshi dúnıejúzilik soǵys jyldarynda shet elderdiń aýmaǵynda partızandyq jasaqtar, astyrtyn toptar jáne basqa da fashızmge qarsy quralymdar quramynda fashıstik Germanııaǵa jáne onyń odaqtastaryna qarsy urys qımyldaryna qatysqan adamdar;

6) Lenıngrad qalasyndaǵy qorshaý kezeńinde qalanyń kásiporyndarynda, mekemeleri men uıymdarynda jumys istegen jáne «Lenıngradty qorǵaǵany úshin» medalimen nemese «Qorshaýdaǵy Lenıngrad turǵyny» belgisimen nagradtalǵan azamattar;

7) Ekinshi dúnıejúzilik soǵys kezeńinde fashıster men olardyń odaqtastary qurǵan kontslagerlerdegi, gettolardaǵy jáne basqa da májbúrlep ustaý oryndaryndaǵy kámeletke tolmaǵan tutqyndar;

8) qyzmettik mindetterin atqarý kezinde jaralanýy, kontýzııa alýy, mertigýi saldarynan ne maıdanda bolýyna nemese urys qımyldary júrgizilgen memleketterde qyzmettik mindetterin oryndaýyna baılanysty aýrýǵa shaldyǵýy saldarynan múgedektik belgilengen, burynǵy KSR Odaǵynyń memlekettik qaýipsizdik organdarynyń jáne ishki ister organdarynyń basshy jáne qatardaǵy quramynyń adamdary;

9) Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan adamdar;

10) 1941 jylǵy 22 maýsymnan bastap 1945 jylǵy 9 mamyr aralyǵyndaǵy kezeńde keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan adamdar;

11) Uly Otan soǵysy kezeńinde jaralanýy, kontýzııa alýy, mertigýi nemese aýrýǵa shaldyǵýy saldarynan múgedektigi bar qaıtys bolǵan adamnyń ekinshi ret nekege turmaǵan zaıyby (jubaıy), sondaı-aq jalpy aýrýǵa shaldyǵýy, jumysta mertigýi jáne basqa da sebepter (quqyqqa qarsy keletinderdi qospaǵanda) saldarynan bolǵan múgedektigi bar adam dep tanylǵan, qaıtys bolǵan Uly Otan soǵysy qatysýshysynyń, partızannyń, astyrtyn áreket etýshiniń, «Lenıngradty qorǵaǵany úshin» medalimen nemese «Qorshaýdaǵy Lenıngrad turǵyny» belgisimen nagradtalǵan azamattyń ekinshi ret nekege turmaǵan zaıyby (jubaıy);

12) Uly Otan soǵysynda qaza tapqan (qaıtys bolǵan, habar-osharsyz ketken) jaýyngerlerdiń ekinshi ret nekege turmaǵan jesirleri nagradtalady.

3. Merekelik medalmen nagradtalatyn adamdardyń tizimderin (budan ári – tizimder) jasaý jáne bekitý mynadaı tártippen júrgiziledi:

1) tizimderdi oblystardyń, respýblıkalyq mańyzy bar qalalardyń, astananyń jergilikti áskerı basqarý organdary jasaıdy;

2) tizimderdi jasaýǵa jaýapty laýazymdy adamdar olarǵa qol qoıady jáne olardy oblystar, respýblıkalyq mańyzy bar qalalar, astana jergilikti áskerı basqarý organdarynyń basshylary 2025 jylǵy 15 sáýirge deıingi merzimde bekitedi.

3) bekitilgen tizimder 2025 jylǵy 20 sáýirge deıingi merzimde Qazaqstan Respýblıkasynyń jergilikti atqarýshy organdaryna beriledi.

4. Merekelik medaldi Qazaqstan Respýblıkasynyń Prezıdenti atynan jáne onyń tapsyrmasy boıynsha tizimder bekitilgen kúnnen bastap alty aıdan keshiktirilmeıtin merzimde Qazaqstan Respýblıkasynyń jergilikti atqarýshy organdary tabys etedi. Merekelik medal nagradtalatyn adamdardyń tizimge engizilgen jeri boıynsha tabys etiledi.

Nagradtalatyn adamǵa merekelik medalmen birge medaldyń kýáligi tabys etiledi.