Memleket basshysy UQShU Bas hatshysy Imanǵalı Tasmaǵambetovpen kezdesti

ASTANA. KAZINFORM – Qasym-Jomart Toqaev Ujymdyq qaýipsizdik týraly shart uıymynyń Bas hatshysy Imanǵalı Tasmaǵambetovpen kezdesý ótkizdi. Bul týraly Aqordanyń baspasóz qyzmeti habarlady.

Memleket basshysyna bıyl qarasha aıynyń sońynda Qyrǵyz Respýblıkasynda ótetin UQShU Ujymdyq qaýipsizdik keńesiniń sessııasyna daıyndyq barysy týraly baıandaldy.

Sondaı-aq Uıym qyzmetiniń negizgi baǵyttary boıynsha birqatar másele talqylandy.

Aıta keteıik, Qyrǵyzstannyń Sholpan-Ata qalasynda Ujymdyq qaýipsizdik týraly shart uıymynyń Syrtqy ister mınıstrleri keńesiniń otyrysy ótti. Jıynǵa UQShU-ǵa múshe Qazaqstan, Reseı, Belarýs, Tájikstan jáne Qyrǵyzstan ókilderi qatysty.