Memleket basshysy Ýkraına Prezıdentimen kezdesý ótkizdi

NЬıÝ-IORK. KAZINFORM — BUU Bas Assambleıasynyń 80-shi sessııasy alańynda Qasym-Jomart Toqaev Vladımır Zelenskıımen kezdesti. Bul týraly Aqordanyń baspasóz qyzmeti habarlady. 

Memleketter basshylary ekijaqty ekonomıkalyq jáne gýmanıtarlyq yntymaqtastyq máselelerin talqylady.

Vladımır Zelenskıı Ýkraınadaǵy jaǵdaıǵa baılanysty kózqarasyn jetkizdi.

Qazaqstan Prezıdenti osynaý asa kúrdeli ahýalǵa qatysty pikir bildirip, qaqtyǵysty toqtatý maqsatynda dıplomatııalyq jumystardy jalǵastyrý qajet ekenine nazar aýdardy.

Aıta keteıik, búgin Qasym-Jomart Toqaev BUU Bas hatshysymen kezdesý ótkizdi.

Sondaı-aq Chernogorııa Prezıdentimen kezdesip, elimiz Chernogorııany Balqan túbegindegi mańyzdy seriktesi sanaıtynyn atap ótti.