Memleket basshysy Túrikmenstannyń Táýelsizdik monýmentine gúl shoǵyn qoıdy
AShHABAD. KAZINFORM — Qazaqstan Respýblıkasynyń Prezıdenti Qasym-Jomart Toqaev Ashhabadqa resmı sapary aıasynda Túrikmenstannyń Táýelsizdik monýmentine gúl shoǵyn qoıdy.
Prezıdent túrikmen eliniń basty eskertkishine taǵzym etý arqyly eki el arasyndaǵy dostyq pen yntymaqtastyqtyń berik ekenin kórsetti.
Eske sala keteıik, buǵan deıin Memleket basshysy Qasym-Jomart Toqaevtyń Túrikmenstanǵa resmı saparmen barǵanyn habarlaǵan edik. Ashhabad áýejaıynda Qazaqstan Prezıdentin saltanatty qarsy alý rásimi ótti.
Sonymen qatar sapar aıasynda Prezıdent Túrikmenstan Halk Maslahatynyń tóraǵasy Gýrbangýly Berdimuhamedovpen kezdesip, Ashhabad tórinde ultymyzdyń uly oıshyly Abaı Qunanbaıulyna arnalǵan eskertkishtiń ashylý rásimine qatysty.
