Memleket basshysy Túrikmenstan Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Serdar Berdimuhamedov pen barsha túrikmen halqyn Táýelsizdik kúnimen quttyqtady. Bul týraly Aqordanyń baspasóz qyzmeti habarlady.
Prezıdent jedelhatynda eki el arasyndaǵy yntymaqtastyqtyń damý qarqyny joǵary ekenin atap ótken.
Sonymen qatar birlesken kúsh-jigerdiń arqasynda mazmuny baıı túsken yqpaldastyqtyń strategııalyq seriktestik rýhyna jáne qos halyqtyń múddesine tolyq saı keletinine toqtalǵan.
Qasym-Jomart Toqaev san qyrly memleketaralyq baılanysty jan-jaqty nyǵaıtýǵa beıil ekenin rastap, Serdar Berdimuhamedovtiń baýyrlas túrikmen halqynyń ıgiligi men ósip-órkendeýi jolyndaǵy jaýapty memlekettik qyzmetine tabys tiledi.
Aıta keteıik, Prezıdent Túrikmenstanmen ınvestıtsııalardy qorǵaý jónindegi kelisimdi ratıfıkatsııalaý týraly zańǵa qol qoıǵan edi.