Memleket basshysy Túrikmenstan prezıdenti Serdar Berdimuhamedovpen kezdesti
ASTANA. KAZINFORM – Qazaqstan Prezıdenti Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasyna shaqyrǵany úshin Serdar Berdimuhamedovke alǵys aıtty. Bul týraly Aqordanyń baspasóz qyzmeti habarlady.
Qasym-Jomart Toqaev atalǵan is-shara osy sanatqa jatatyn elderdiń jaǵdaıyna qatysty ózekti máseleler týraly pikir almasyp, naqty sheshimder ázirleıtin mańyzdy alań ekenine nazar aýdardy.
Kezdesý barysynda saýda-ekonomıka, energetıka, kólik-tranzıt salalaryndaǵy seriktestikti nyǵaıtý máseleleri talqylandy.
Memleketter basshylary Qazaqstan men Túrikmenstan arasyndaǵy strategııalyq seriktestikti jan-jaqty damytýǵa beıil ekenin taǵy da rastady.
Eske sala keteıik, buǵan deıin Prezıdent Qasym-Jomart Toqaev Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasyna qatysý úshin Túrikmenstanǵa barǵan bolatyn.
Áýejaıda Qasym-Jomart Toqaev pen Gýrbangýly Berdimuhamedov az-kem áńgimelesti.
Ertesine Qasym-Jomart Toqaev «Avaza» kongress-ortalyǵyna bardy. Sodan keıin Prezıdent Ortalyq Azııa memleketteri basshylarynyń beıresmı kezdesýine qatysty.
Sondaı-aq Memleket basshysy Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasynda sóz sóıledi.