Memleket basshysy Týrızm jáne sport mınıstri Ermek Marjyqpaevty qabyldady
ASTANA. KAZINFORM — Qasym-Jomart Toqaevqa el sportshylarynyń HHHІІІ jazǵy Olımpıada oıyndaryna daıyndyǵy týraly esep berildi. Sondaı-aq lıtsenzııalyq týrnırlerdiń qorytyndysy jóninde baıandaldy.
Mınıstrdiń aıtýynsha, tórt jyldyqtyń basty dodasyna Qazaqstan ulttyq quramasy sporttyń 25 túrinen 92 lıtsenzııa ıelengen. Parıjde barlyǵy 80 sportshy el namysyn qorǵaıdy.
Ermek Marjyqpaev ulttyq quramanyń Olımpıadaǵa deıingi oqý-jattyǵý jıyndary men sportshylardy qoldaý sharalary týraly aıtty. Sonymen qatar sportty basqarý ınstıtýttaryn jetildirý baǵytynda júrgizilip jatqan jumystardyń esebin berdi.
Memleket basshysy Olımpıada oıyndarynyń sportshylarymyzǵa zor jaýapkershilik júkteıtinin atap ótti. Sondaı-aq Qazaqstan quramasy álem aldynda mádenıetti, ustamdy ári ozyq úlgilerimen erekshelenýge tıis ekenine nazar aýdardy.
