Memleket basshysy tsıfrlyq sheshimder kórmesine bardy
ASTANA. KAZINFORM — Qasym-Jomart Toqaev Jasandy ıntellektini damytý jónindegi keńes otyrysy aıasynda uıymdastyrylǵan tsıfrlyq sheshimder kórmesimen tanysty. Bul týraly Aqordanyń baspasóz qyzmeti habarlady.
Ustem Foundation qoǵamdyq qory, Freedom Bank, Yandex Qazaqstan, Kaspi Bank, «Qazaqtelekom» AQ, «Eýrazııalyq bank» AQ, «Báıterek» UBH» AQ, «Qazaqstan temir joly» AQ jáne basqa da otandyq jetekshi kompanııalar men uıymdar JI salasyndaǵy jobalaryn kórmege qoıǵan.
Ekspozıtsııalar bilim berý, mádenıet, logıstıka, «aqyldy qala» tehnologııalary sekildi aýqymdy baǵyttardy qamtydy.
Sonymen qatar týrıstik onlaın qyzmetteri, generatıvti JI platformalary, V2V-agentteri men AITU otandyq messendjeri tanystyryldy.
Kólik baǵytynda jańa býyndy 5G bazasynda tasymaldy basqarý men telekommýnıkatsııaǵa arnalǵan JI negizindegi keshendi júıeler kórsetildi.
Atalǵan is-shara elimizdegi tsıfrlyq tehnologııanyń qarqyndy damýyn, sondaı-aq jasandy ıntellektiniń ulttyq ekojúıesin qalyptastyrýǵa otandyq bıznes pen ınstıtýttardyń qosqan úlesin pash etedi.
Aıta ketelik Prezıdent Jasandy ıntellektini damytý keńesiniń alǵashqy otyrysyn ashqan edi.