Memleket basshysy Tokıo gýbernatory ıÝrıko Koıkeni qabyldady
ASTANA. KAZINFORM — Prezıdent Tokıo gýbernatorynyń sapary Qazaqstan men Japonııa arasynda ornaǵan keńeıtilgen strategııalyq seriktestiktiń 10 jyldyǵy qarsańynda ótip jatqanyn, munyń sımvoldyq máni bar ekenin atap ótti. Bul týraly Aqordanyń baspasóz qyzmeti habarlady.
Qasym-Jomart Toqaev ıÝrıko Koıkeniń jetekshiligimen Tokıo álemdegi eń qaýipsiz, taza ári tıimdi basqarylatyn megapolısterdiń birine aınalǵanyn aıtty.
— Sizdi jahandyq deńgeıdegi kórnekti saıasatker retinde tanımyz. Kóregen basshylyǵyńyz ben elińiz úshin uzaq jyldar boıy atqarǵan qyzmetińiz qurmetke laıyq. Qazaqstan jurtshylyǵy Sizdi memleket qaıratkeri jáne elimizdiń dosy, seriktesi dep biledi. Qazaqstannyń tarıhy men mádenıetin dáripteýge baǵyttalǵan eńbegińizdi joǵary baǵalaımyz. Bul qos halyqtyń yntymaǵyn arttyra túsedi, — dedi Memleket basshysy.
Prezıdent Japonııaǵa byltyr jasaǵan resmı saparyn yqylaspen eske alyp, sonyń nátıjesinde ekijaqty qarym-qatynas jańa ári sapaly deńgeıge kóterilgenine nazar aýdardy.
— Men Tokıonyń «Aqyldy qala» baǵdarlamasymen tanystym. Bul bizdiń qyzyǵýshylyǵymyzdy týdyrdy. Sebebi elimizde de Smart City tujyrymdamasyn ilgeriletip otyrmyz. Sizdiń Astanaǵa kelgen saparyńyz paıdaly bolaryna senimdimin. Óıtkeni biz yntymaqtastyqty odan ári nyǵaıtýǵa jáne megapolısti basqarý tájirıbesin zerdeleýge yntalymyz, — dedi Qasym-Jomart Toqaev.
Tokıo gýbernatory Memleket basshysyna qonaqjaılyq tanytqany úshin rızashylyǵyn jetkizdi
— Sizdiń kóshbasshylyǵyńyzdy, sondaı-aq ekonomıkalyq ósim, jasandy ıntellekt, tsıfrlandyrý jáne ınvestıtsııa tartý baǵyttaryn damytýdy kózdeıtin irgeli reformalaryńyzdy joǵary baǵalaımyn. Qazaqstan óńirdegi ekonomıkasy iri, resýrsy mol el retinde Eýropa men Azııany jalǵaıtyn Ortalyq Azııadaǵy basty hab rólin nyǵaıtyp keledi, — dedi ıÝrıko Koıke.
Prezıdent pen gýbernator tsıfrlyq tehnologııa, ınnovatsııa, halyqaralyq qarjy jáne bilim berý sekildi negizgi salalarda seriktestik ornatý múmkindigin qarastyrdy.
Aıta ketelik Prezıdenttiń Japonııaǵa sapary aıasynda somasy 3,7 mıllıard dollardan asatyn 60-tan astam ekijaqty qujatqa qol qoıylǵan edi.
