Memleket basshysy Telegram negizin qalaýshy Pavel Dýrovty qabyldady
ASTANA. KAZINFORM - Digital Bridge 2025 halyqaralyq forýmynyń alańynda Qasym-Jomart Toqaev Telegram messendjeriniń negizin qalaýshy Pavel Dýrovpen kezdesti, dep habarlaıdy Aqordanyń baspasóz qyzmeti.
Áńgimelesý barysynda bilim berý, jasandy ınttelekt jáne kıberqaýipsizdik salalaryndaǵy yntymaqtastyq máseleleri talqylandy.
Prezıdent elimizdiń tsıfrlyq damýyna úles qosqan Telegram messendjeriniń qyzmetine joǵary baǵa berdi. Kompanııa resmı túrde Astana Hub klasteriniń qatysýshysy atandy. Qazaqstanda keńsesin ashyp, AIem.AІ ortalyǵynda JI-zerthanasyn iske qosty.
Pavel Dýrov Qasym-Jomart Toqaevqa jasandy ıntellekt salasynda birlesken jobalardy júzege asyrý perspektıvasy týraly málimet berdi.
Osyǵan deıin Memleket basshysy Stenford ýnıversıtetiniń professory Ilıa Strebýlaevty qabyldaǵan bolatyn.