10:00, 09 Qyrkúıek 2025 | GMT +5
Memleket basshysy Tájikstan Prezıdentine quttyqtaý jedelhatyn joldady
ASTANA. KAZINFORM – Qasym-Jomart Toqaev Prezıdent Emomalı Rahmondy Tájikstannyń ulttyq merekesi – Táýelsizdik kúnimen quttyqtady. Bul týraly Aqordanyń baspasóz qyzmeti habarlady.
– Elderimiz ǵasyrlardan tamyr tartatyn dástúrli dostyq pen ózara qoldaýǵa, halyqtarymyzdyń túpki múddesine arqa súıep, shyn máninde, strategııalyq seriktes ári odaqtas retinde qarym-qatynas qura aldy. Birlesip ekijaqty, sondaı-aq aımaqtyq, halyqaralyq yntymaqtastyq deńgeıinde qazaq-tájik yqpaldastyǵynyń áleýetin tanyta beretinimizge senimim mol, – delingen jedelhatta.
Qasym-Jomart Toqaev Emomalı Rahmonnyń jaýapty qyzmetine tabys, al baýyrlas tájik halqyna baq-bereke tiledi.
Aıta ketelik Qasym-Jomart Toqaev Prezıdent Gordana Sılıanovska-Davkovany Soltústik Makedonııa Respýblıkasynyń ulttyq meıramy — Táýelsizdik kúnimen quttyqtaǵan edi.