Memleket basshysy: Taza Qazaqstan tujyrymdamasynyń oryndalýy, bul — konstıtýtsııalyq mindet
QONAEV. KAZINFORM — Memleket basshysy Úkimet pen ákimderge qaratyp, «Taza Qazaqstan» tujyrymdamasynyń oryndalýy, bul — konstıtýtsııalyq mindet ekenin aıtty. Bul týraly Aqordanyń baspasóz qyzmeti málim etti.
— Tutastaı alǵanda, qalany tıimdi negizde salyp, jan-jaqty damytý kerek. Barlyq nysandar qurylys salasyndaǵy ozyq halyqaralyq talaptar men erejelerge tolyq saı bolýǵa tıis. Jalpy, Alatau city tujyrymdamasynyń maqsaty — bızneske qolaıly jaǵdaı jasaý, ınvestıtsııalyq jobalardy iske qosý, jurtty jumyspen qamtý jáne zamanaýı ınfraqurylym salý. Qala tórt aýdanǵa bólinedi. Boı kóteretin ǵımarattardyń barlyǵy halyqaralyq iskerlik jáne ınnovatsııalyq ortalyqtarǵa qoıylatyn talapqa sáıkes bolýy kerek. Qalany abattandyrýǵa jáne jaıly qoǵamdyq oryndar salýǵa erekshe nazar aýdarý qajet. Osyǵan baılanysty Úkimetke, ákimderge taǵy da aıtarym: «Taza Qazaqstan» tujyrymdamasynyń oryndalýy, bul — konstıtýtsııalyq mindet. «Taza» degen sózdiń maǵynasy kópqyrly. Bul — qalalarymyzdy tazalaý, kógaldandyrý, kórkeıtý, abattandyrý degen sóz. Sonymen qatar bul — nıetimizdiń tazalyǵyn saqtaý, otanshyldyǵymyzdy pash etý degen sóz. «Taza Qazaqstan» jalpyhalyqtyq qozǵalysy Ádiletti Qazaqstannyń bolmysyna, tipti, onyń tutas ıdeologııasyna aınalýy kerek, — dedi Prezıdent.
Aıta keteıik, Memleket basshysy Qasym-Jomart Toqaev Almaty oblysyndaǵy Alataý qalasynyń damý josparymen tanysý barysynda, Alataý qalasy resýrstardy ońtaıly, únemdep qoldanýda úlgi bolýǵa tıis ekenin aıtty.
