Memleket basshysy Taıland Koroline quttyqtaý jedelhatyn joldady
ASTANA. KAZINFORM - Qasym-Jomart Toqaev Maha Vachıralongkorndy Taıland Koroldiginiń Ulttyq merekesimen quttyqtady, dep habarlaıdy Aqordanyń baspasóz qyzmeti.
Prezıdent Astana men Bangkok arasyndaǵy dostyqqa, ózara túsinistikke negizdelgen qatynastardyń tuǵyry bıik, áleýeti mol ekenin atap ótti.
Sonymen qatar eki eldiń san qyrly yqpaldastyǵy qos halyqtyń ıgiligi jolynda bekı beretinine senim bildirdi.
Osyǵan deıin Toqaev Birikken Arab Ámirlikteriniń prezıdentin Ulttyq merekesimen quttyqtaǵan bolatyn.
