Prezıdent sý tasqynynan zardap shekken óńirlerdiń birine jumys saparymen barady
ASTANA. KAZINFORM – Memleket basshysynyń jumys sapary týraly QR Prezıdentiniń keńesshisi – Baspasóz hatshysy Berik Ýálı Facebook áleýmettik jelisindegi paraqshasy arqyly málim etti.
«Memleket basshysy Qasym-Jomart Toqaev 4 sáýir kúni sý tasqynynan zardap shekken óńirlerdiń birine jumys saparymen barady. Sapar týraly qosymsha aqparat keıinirek habarlanady», - dep jazdy Berik Ýálı.
Buǵan deıin Prezıdent Qasym-Jomart Toqaev elimizdiń birqatar óńirinde bolǵan sý tasqyny saldarynan týyndaǵan tótenshe jaǵdaıǵa baılanysty shuǵyl keńes ótkizdi.
Memleket basshysy jaǵdaıdy qalypqa keltirý úshin shuǵyl sharalar qabyldaýmen qatar, júıeli jumys qajet ekenin atap ótti.
Sondaı-aq Prezıdent Qasym-Jomart Toqaevtyń tóraǵalyǵymen Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtabtyń otyrysy ótti.
