Memleket basshysy STADA Group kompanııasynyń vıtse-prezıdenti Krıstos Gallıspen kezdesti

Memleket basshysy Qasym-Jomart Toqaev STADA Group kompanııasynyń vıtse-prezıdenti Krıstos Gallıspen kezdesti, dep habarlaıdy QazAqparat.

Kezdesý barysynda densaýlyq saqtaý jáne farmatsevtıka salalaryndaǵy yntymaqtastyq perspektıvalary talqylandy.

Qasym-Jomart Toqaev STADA kompanııasy densaýlyqqa qajetti tutyný taýarlary segmentinde Qazaqstan naryǵyndaǵy kóshbasshylardyń úshtigine kiretinin atap ótti. Prezıdenttiń aıtýynsha, Almaty qalasynda kompanııa keńsesiniń ashylýy – tabysty jáne qarqyndy damyp kele jatqan yntymaqtastyqtyń aıqyn dáleli.

Memleket basshysy Qazaqstanda bıotehnologııalyq klaster qurý jumysy belsendi júrgizilip jatqanyna nazar aýdardy.

Prezıdenttiń pikirinshe, QazBioPharm ulttyq holdıngimen ǵylymı-zertteý jáne óndiris salasynda birlese jumys isteý úshin STADA kompanııasyna zor múmkindik ashylady.

Qasym-Jomart Toqaev germanııalyq kompanııany birlesken zertteýler júrgizip, ázirlemeler daıyndaýǵa, óndiristi uıymdastyrýǵa, sondaı-aq tájirıbe almasýǵa jáne mamandardyń biliktiligin arttyrýǵa shaqyrdy.

Krıstos Gallıs yntymaqtastyqty nyǵaıtýǵa qyzyǵýshylyq tanytyp, kompanııanyń Qazaqstandaǵy medıtsınalyq jobalar men baǵdarlamalarǵa ınvestıtsııa quıý múmkindikterin qarastyrýǵa daıyn ekenin atap ótti.

STADA – joǵary sapaly dári-dármek óndiretin jetekshi kompanııalardyń biri. Kompanııa óz ónimderin álemniń 120 elinde satady.