Memleket basshysy Soltústik Makedonııa Prezıdentine kóńil aıtý jedelhatyn joldady

ASTANA. KAZINFORM — Memleket basshysy Soltústik Makedonııa Respýblıkasynyń Prezıdentine kóńil aıtý jedelhatyn joldady. Bul týraly Aqorda málim etti. 

— Qasym-Jomart Toqaev Kochanı qalasynda bolǵan órtten kóptegen adamnyń qaza tapqany týraly sýyt habardy tereń kúızelispen qabyldaǵanyn jetkizdi. Memleket basshysy Qazaqstan halqynyń jáne jeke óz atynan Soltústik Makedonııa Prezıdenti Gordana Sılıanovska-Davkovaǵa jáne jaqyndarynan aıyrylǵan otbasylarǵa kóńil aıtyp, jaraqat alǵan azamattardyń tezirek saýyǵyp ketýine tilektestik bildirdi, — delingen habarlamada. 

Eske sala keteıik, buǵan deıin Memleket basshysynyń Jarlyǵymen Qaırat Qalmuqametuly Tórebaev jańa qyzmetke taǵaıyndalǵanyn jazǵan bolatynbyz.