Memleket basshysy Slovenııa Prezıdentine quttyqtaý jedelhatyn joldady
ASTANA. KAZINFORM — Memleket basshysy Slovenııa Prezıdenti Natasha Pırts-Mýsarǵa quttyqtaý jedelhatyn joldady. Bul týraly Aqordanyń baspasóz qyzmeti habarlady.
Qasym-Jomart Toqaev Natasha Pırts-Mýsardy Slovenııanyń ulttyq meıramy — Memlekettilik kúnimen quttyqtady.
Prezıdent birlesken kúsh-jigerdiń arqasynda san qyrly yntymaqtastyq qos halyqtyń ıgiligi jolynda nyǵaıa túsetinine senim bildirdi.
Qasym-Jomart Toqaev Natasha Pırts-Mýsardyń jaýapty memlekettik qyzmetine tabys, al dostas Slovenııa halqyna baq-bereke tiledi.
Aıta ketelik Memleket basshysy Taıland Premer-mınıstriniń orynbasary – Syrtqy ister mınıstri Sıhasak Pýangketkeomen kezdesken edi.
