Qasym-Jomart Toqaev Prezıdent Zýzana Chapýtovany Slovak Respýblıkasynyń qurylǵan kúnimen quttyqtady

Qasym-Jomart Toqaev Qazaqstan halqynyń jáne jeke óziniń atynan Zýzana Chapýtovany Slovak Respýblıkasynyń qurylǵan kúnimen quttyqtady, dep habarlaıdy Kazinform Aqordanyń baspasóz qyzmetine silteme jasap.  

– Egemendik pen birlik qundylyqtaryn tý etken elińiz búginde óziniń áleýmettik-ekonomıkalyq damýy men azamattarynyń yrys-berekesin eseleýde, sondaı-aq halyqaralyq sahnadaǵy bedelin arttyrýda bıik belesterdi baǵyndyryp keledi. Osy tusta Otanyńyz baıandy órkendeýin jalǵastyryp, ıgi maqsat-murattarǵa jete berýine tilektestigimdi bildiremin. Qazaqstan men Slovakııa arasynda qalyptasqan ózara tıimdi yntymaqtastyq qarqyndy damyp kele jatqanyn erekshe atap ótemin. Ekijaqty yqpaldastyǵymyz keleshekte de zor jetistikterge toly bolatynyna kámil senimdimin, – dep jazylǵan jedelhatta.

Qasym-Jomart Toqaev Zýzana Chapýtovanyń asa jaýapty qyzmetine tolaıym tabys, al Slovak halqyna baq-bereke tiledi.