Prezıdent Syrtqy ister mınıstriniń aldyna birqatar mindet qoıdy
ASTANA. KAZINFORM - Memleket basshysy Syrtqy ister mınıstri Muhtar Tileýberdini qabyldady, dep habarlaıdy Aqordanyń baspasóz qyzmeti.
Kezdesýde Prezıdent Qasym-Jomart Toqaev mınıstrliktiń negizgi mindetterin aıqyndap, Qazaqstannyń ulttyq múddelerin dáıekti túrde ilgeriletýdi, teńgerimdi syrtqy saıasatty nyǵaıtýdy jáne ekonomıkalyq dıplomatııany damytýdy tapsyrdy.
Kópjaqty yntymaqtastyqty jandandyrýǵa jáne sheteldegi Qazaqstan azamattarynyń quqyqtary men múddelerin qorǵaý jónindegi jumystyń tıimdiligin arttyrýǵa erekshe nazar aýdaryldy.
Sondaı-aq Memleket basshysynyń qatysýymen ótetin aldaǵy halyqaralyq is-sharalardyń kestesi qaraldy.
Aıta keteıik, jaqyn kúnderi Memleket basshysynyń Jarlyǵymen Muhtar Beskenuly Tileýberdi Qazaqstan Respýblıkasynyń Syrtqy ister mınıstri bolyp taǵaıyndaldy.
