Memleket basshysy Sıngapýr Prezıdentine quttyqtaý jedelhatyn joldady
ASTANA. KAZINFORM – Aqorda Memleket basshysynyń Sıngapýr Prezıdentine quttyqtaý jedelhatyn joldaǵanyn habarlady.
Qasym-Jomart Toqaev Tarman Shanmýgaratnam men onyń otandastaryn Sıngapýrdyń ulttyq meıramy – Táýelsizdik kúnimen quttyqtady.
- Prezıdent jedelhatta bul mereke Sıngapýr halqy úshin ulttyq birliktiń, memleket derbestiginiń jáne ornyqty damýdyń aıshyqty belgisi retinde erekshe mánge ıe ekenin atap ótken. Sonymen qatar Qazaqstan men Sıngapýr arasyndaǵy dostyqqa jáne ózara túsinistikke negizdelgen san qyrly yntymaqtastyq qos halyqtyń ıgiligi jolynda udaıy damı beretinine senim bildirdi, - delingen aqparatta..
Qasym-Jomart Toqaev Tarman Shanmýgaratnamnyń jaýapty qyzmetine tolaıym tabys, al dostas Sıngapýr halqyna qut-bereke tiledi.
Aıta keteıik, keshe Belgııa Koroli Fılıpp Qasym-Jomart Toqaevqa jaýap hat joldaǵany habarlandy.
