Memleket basshysy Sıngapýr Prezıdentine quttyqtaý jedelhatyn joldady

ASTANA. KAZINFORM - Memleket basshysy Sıngapýr Prezıdentine quttyqtaý jedelhatyn joldady Qasym-Jomart Toqaev Prezıdent Tarman Shanmýgaratnamdy Sıngapýr Respýblıkasy táýelsizdiginiń 60 jyldyq mereıtoıymen quttyqtady.

Bul týraly Aqordanyń baspasóz qyzmeti habarlady.

– Búginde elińiz turaqty ósip-órkendeýdiń, tıimdi basqarýdyń jáne ınnovatsııalyq jańǵyrýdyń ozyq úlgisin kórsetip otyr. Osy oraıda, Sizdiń bıik maqsattarǵa jeteleıtin biregeı bastamalaryńyzdyń tabysty júzege asýyna tilektespin. Sıngapýr – Qazaqstannyń Ońtústik-Shyǵys Azııadaǵy senimdi seriktesi. Eki el arasyndaǵy yqpaldastyqtyń tuǵyry berik, múmkindigi mol ekenin aıryqsha atap ótýge bolady, – dep jazylǵan jedelhatta.

Osyǵan deıin Qasym-Jomart Toqaev Vashıngtonda Ázerbaıjan men Armenııa elderi arasynda qol qoıylǵan kelisimdi tarıhı jetistik dep sanaıtyny týraly jazdyq.