Memleket basshysy Sıngapýr Premer-mınıstriniń orynbasaryn qabyldady
Memleket basshysy Sıngapýr Premer-mınıstriniń orynbasary – Ekonomıkalyq saıasat jónindegi úılestirýshi mınıstr Heng Sýı Keatty qabyldady.
Kezdesý barysynda Qasym-Jomart Toqaev Qazaqstan-Sıngapýr bıznes forýmyn uıymdastyrǵany úshin osy eldiń Úkimetine rızashylyǵyn bildirdi. Prezıdenttiń aıtýynsha, bul shara Qazaqstan men Sıngapýr kompanııalaryn eki el naryǵynda jańa múmkindikter izdeýge yntalandyrady.
Memleket basshysy Qazaqstanda ulttyq ekonomıkanyń básekege qabilettiligin arttyrý jáne áleýetti ınvestorlar úshin qolaıly jaǵdaı jasaý maqsatynda keshendi reformalar júrgizilip jatqanyn aıtty.
Heng Sýı Keat Ortalyq Azııa jáne ASEAN elderiniń yntymaqtastyǵyn keńeıtýge Qazaqstan men Sıngapýr septigin tıgize alatynyn atap ótti.
Qasym-Jomart Toqaev pen Heng Sýı Keat úkimetter men bıznes qurylymdardyń yqpaldastyǵyn nyǵaıtý arqyly ekijaqty seriktestikti odan ári damytýǵa daıyn ekenin rastady. Sonymen qatar kezdesýde memlekettik qurylym men jahandyq ekonomıkaǵa, onyń ishinde tsıfrlandyrýǵa, tehnologııalardy damytýǵa, jasandy ıntellekti jáne adam kapıtalyna qatysty máseleler qarastyryldy.
