Memleket basshysy Shveıtsarııa Ulttyq bankin basqarýshylar keńesiniń tóraǵasyn qabyldady
ASTANA. KAZINFORM — Kezdesý barysynda Qazaqstan men Shveıtsarııa Ulttyq banki arasyndaǵy yntymaqtastyqty odan ári damytý máseleleri talqylandy. Bul týraly Aqordanyń baspasóz qyzmeti habarlady.
Qasym-Jomart Toqaev shveıtsarııalyq mamandar Qazaqstannyń Ulttyq bankine táýekelderdi basqarý jáne tólem júıeleri sekildi baǵyttar boıynsha tehnıkalyq kómek kórsetetinin atap ótip, olardyń qyzmetine joǵary baǵa berdi.
Óz kezeginde Martın Shlegel Qazaqstan men Shveıtsarııa ulttyq bankteri arasynda aqsha-kredıt saıasaty jáne tsıfrlyq qarjy salalaryndaǵy dıalogty jolǵa qoıyp, ózara yqpaldastyq aıasyn keńeıtýge nıetti ekenin jetkizdi.
Sonymen qatar áńgimelesý barysynda valıýta naryǵyn nyǵaıtý, ulttyq valıýtalarǵa senimdi kúsheıtý sharalary jáne tsıfrlyq aktıvterdi damytý máseleleri qarastyryldy.
Aıta ketelik Qasym-Jomart Toqaev Donald Tramptyń hatyna jaýap joldaǵan edi.