Memleket basshysy Shvetsııa Koroli XVI Karl Gýstavty 80 jyldyq mereıtoıymen quttyqtady
ASTANA. KAZINFORM - Qasym-Jomart Toqaev jedelhatta Korol XVI Karl Gýstavtyń parasatty basshylyǵymen Shvetsııa Eýropada jáne álemdik arenada mańyzdy ról atqaratyn memleket mártebesin saqtap kele jatqanyn atap ótti, dep habarlaıdy Aqordanyń baspasóz qyzmeti.
Prezıdent qos halyq arasyndaǵy dostyq baılanystar men ózara túsinistikti joǵary baǵalaıtynyn, sondaı-aq Shvetsııamen san qyrly yntymaqtastyqty odan ári nyǵaıtýǵa senim artatynyn jetkizdi.
Qasym-Jomart Toqaev Korol XVI Karl Gýstavtyń el ıgiligi jolyndaǵy eńbegine tolaıym tabys, al dostas Shvetsııa halqyna baq-bereke tiledi.
Osyǵan deıin Qasym-Jomart Toqaev Korol Vıllem-Aleksandrdy Nıderlandtyń ulttyq merekesimen quttyqtaǵan bolatyn.
