Memleket basshysy ShYU bas hatshysy Nurlan Ermekbaevty qabyldady
ASTANA. KAZINFORM – Kezdesýde ShYU aıasyndaǵy yqpaldastyqty odan ári damytý perspektıvasy talqylandy. Bul týraly Aqordanyń baspasóz qyzmeti habarlady.
Qasym-Jomart Toqaevtyń aıtýynsha, Qazaqstan Shanhaı yntymaqtastyq uıymynyń tıimdi ári teńgerimdi halyqaralyq uıym retindegi rólin nyǵaıtýǵa basa mán beredi. Bul qazirgi álemdik saıasattaǵy syn-qaterlerge jedel ún qatýǵa yqpal etedi.
Prezıdent Qytaıdyń ShYU-ǵa tóraǵalyǵyn joǵary baǵalap, Uıym tetikterin jetildirýge qoldaý kórsetetinin aıtty. Budan bólek, Qazaqstannyń Uıym aıasynda usynǵan basty bastamalaryn iske asyrý joldary qaraldy.
Aıta keteıik, Qazaqstan Qorǵanys mınıstri ShYU keńesine qatysty.
