Memleket basshysy Shymkent ákimine: Qorqýdyń qajeti joq

ASTANA. KAZINFORM –Prezıdent Qasym-Jomart Toqaev Úkimettiń keńeıtilgen otyrysynda Shymkent qalasyndaǵy zańsyz salynyp ketken qurylystardy súrý jumystaryna baılanysty pikir bildirdi.

- Shymkentte jer telimderine qatysty ótkir másele sheshilmeı tur. Zań aldynda bári birdeı. Sondyqtan byltyrdan bastap zańsyz salynǵan nysandar súrile bastady. Memlekettik organdardyń mundaı áreketi synǵa ushyrap jatyr. Biraq budan qorqýdyń qajeti joq. Sebebi ákimdik zańǵa sáıkes jumys istep jatyr. Alaıda halyqpen pikir almasýdy jalǵastyrý qajet. ıAǵnı, túsindirý jumysyn toqtatpaý kerek, - dedi Memleket basshysy. 

Prezıdent elde ózin qoǵam belsendisi sanaıtyn toptar paıda bolǵanyn eske saldy.

- Olar kóp jaǵdaıda áleýmettik jelini paıdalanyp, bıliktiń túpki máni durys, biraq bárine birdeı unaı bermeıtin sheshimderi týraly orynsyz daý kóterip, eldi dúrliktiredi. Sondyqtan barlyq sheshimdi halyqqa jaqsylap, muqııat túsindirý mańyzdy. Bul másele búkil aımaqqa qatysty. Kez kelgen jumys barynsha ashyq ári túsinikti bolǵan jón, - dedi Qasym-Jomart Toqaev. 

Sonymen qatar, Prezıdent Astanadaǵy kólik keptelisi máselesi óte ózekti bolyp turǵanyn jáne «Samuryq-Qazynanyń» qyzmeti arnaıy talqylanatynyn atap ótken bolatyn. 

Aıta keteıik elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.