Memleket basshysy sheıh Muhammed ben Rashıd Ál Maktýmǵa kóńil aıtty
ASTANA. KAZINFORM - Prezıdent Qasym-Jomart Toqaev BAÁ Vıtse-Prezıdenti, Premer-mınıstri, Dýbaı Ámirshisi sheıh Muhammed ben Rashıd Ál Maktýmǵa inisi sheıh Ahmed ben Rashıd Ál Maktýmnyń qaıtys bolýyna baılanysty kóńil aıtý jedelhatyn joldady, dep habarlaıdy Aqordanyń baspasóz qyzmeti.
Memleket basshysy Birikken Arab Ámirlikteriniń órkendeýine, ulttyq qaýipsizdikti nyǵaıtýǵa jáne ekonomıkalyq ósimdi qamtamasyz etýge sheıh Ahmed Ál Maktýmnyń aıtarlyqtaı úles qosqanyn atap ótken.
Qasym-Jomart Toqaev Ál Maktým áýletiniń múshelerine rııasyz qoldaý bildirip, osy qaıǵyly sátte bekem bolýǵa shaqyrdy.
Osyǵan deıin Memleket basshysy Kolýmbııa Prezıdentine kóńil aıtqan bolatyn.
