Memleket basshysy shahterlerdi marapattaý týraly Jarlyqqa qol qoıdy

ASTANA. KAZINFORM – Prezıdent shahterlerdi marapattaý týraly Jarlyqqa qol qoıdy. Bul týraly Aqordanyń baspasóz qyzmeti habarlady. 

Qazaqstan Respýblıkasy Prezıdenti Qasym-Jomart Toqaevtyń Jarlyǵymen Shahter kúni qarsańynda otandyq kómir ónerkásibi salasyndaǵy jemisti eńbegi jáne ken ıgerý isin damytýǵa qosqan úlesi úshin bir top shahter men sala qyzmetkerleri memlekettik nagradalarmen marapattaldy.

Atap aıtqanda, 36 shahter «Qurmet» ordeniniń kavaleri atandy. 1 qyzmetker ІІ dárejeli «Eńbek dańqy» ordenimen, 27 kenshi ІІІ dárejeli «Eńbek dańqy» ordenimen marapattalyp, 43 azamat «Eren eńbegi úshin» medaliniń ıegeri boldy.