Memleket basshysy shahmattan álem chempıony Qazybek Nógerbekti quttyqtady
ASTANA. KAZINFORM — Prezıdent Qasym-Jomart Toqaev Úndistannyń Gandınagar qalasynda ótken halyqaralyq jarysta álem chempıony atanǵan Qazybek Nógerbekke quttyqtaý jedelhatyn joldady.
— El namysyn qorǵap, úzdik shahmatshy retinde grossmeıster dárejesin ıelenip, jeńimpaz ataný — zor jetistik. Ultymyzdyń abyroıyn asqaqtatatyn óziń sııaqty alǵyr da aqyldy urpaqtyń ósip kele jatqany qýantady. Aldaǵy ýaqytta da jarqyn jeńisterge jáne arman-maqsattaryńa jete berýińe tilektespin, — delingen jedelhatta.
Eske sala keteıik, keshe Qazybek Nógerbek 20 jasqa deıingiler arasynda álem chempıony atanǵan bolatyn.
Dúbirli doda 2-13 maýsym aralyǵynda Úndistannyń Gandınagar qalasynda ótti.
Búginge deıin mundaı jetistikke elimizden úsh shahmatshy qol jetkizgen.
Atap aıtqanda, Dármen Sádýaqasov — 1998, Dınara Sádýaqasova — 2016, Jansaıa Ábdimálik — 2017 jyly jeńis tuǵyrynan kóringen.
